Heilsukorn

Eflum varnir likamans

Veljum vellíðan og eflum hreysti með hollum lífsvenjum um leið og við njótum hvers dags. Þitt líf og  þín heilsa er þín ábyrgð og það þarf hvorki að taka langan tíma né mikla peninga en skilar arði til framtíðar.  Hér koma nokkur atriði sem vert er að hafa í huga til að auka mótstöðu gegn sýkingum og bæta líðan.

  • Tryggja að þú fáir nægan svefn og hvíld. Hér finnur þú heilsuheilræði varðandi svefn og svefnvenjur
  •  Forðast að koma sér í aðstæður sem hafa streituvaldandi áhrif. Nota djúpöndun og slökun sem viðbrögð við vaxandi streitu.  Læra að segja NEI ef álag er orðið mikið.
  • Hreyfa sig hressilega í 30 til 60 mínútur á dag. Forðast langvarandi setur. Gott að komast út undir bert loft. Klæðast lögum af fötum sem hægt er að fækka ef þér er heitt en eru til staðar ef þér verður kalt.
  • Hnerra og hósta í handarkrika. Nota eingangs nefþurrkur og þvo sér vel um hendur reglulega yfir daginn og eftir þörfum.
  • Borða bláber eða jarðaber (t.d. ½ bolla daglega), t.d. út í hafragraut, jógúrt eða hristing. Bláber og önnur litsterk ber innihalda næringarefni (anthocyanins) sem vinna gegn sjúkdómum og langvarandi streitu
  • Skipta öðrum bolla dagsins af kaffi út fyrir grænt te sem hefur bólgueyðandi og hreinsandi áhrif (Chlorohphyll) og er auk þess ríkt af andoxunarefni (antioxidants).
  • Borða kjúkling (eða kalkún) sem er próteinríkur og léttmeltur matur því aminósýrurnar sem hann inniheldur eru áríðandi byggingarefni fyrir próteinin sem eru nauðsynleg til að styðja ónæmiskerfið, draga úr þreytu og slappleika.
  • Borða kotasælu sem er prótein og kalk rík (calcium) auk þess að innihalda aminósýru (tryptophan) sem eykur framleiðslu heilsuhormóna (serotonin og endorphin).  Kotasæla gefur líka meiri fyllingu en hitaeiningarnar segja til um svo mittismálið þarf ekki að líða fyrir góðan skammt af kotasælu sem álegg eða með ferskum bláberjum eða ananas sem millibita.
  • Gott að borða fisk a.m.k. tvisvar í viku. Þar með talinn feitan fisk (silungur, lax, túnfiskur) sem inniheldur omega-3 fitusýrur er efla mótstöðu og hafa jákvæð áhrif á heilastarfsemi og draga úr skapsveiflum.
  • Náttúrukryddið Turmeric hefur eflandi áhrif á mótstöðu líkamans, það er í ætt við engiferrótina og karrý. Turmeric inniheldur efnið curcumin sem dregur úr bólgum og styður starfsemi lifrarinnar. Það er auðvelt að setja hálfa teskeið af Turmerik í grænmetis- eða kjötrétti eða blanda í ABmjólk og fylgjast með jákvæðum áhrifum á heilsuna ef það er notað á byrjunarstigi kvefpesta.
  • Gulrætur innihalda mjög virk andoxunarefni (beta-carotene) sem styrkja ónæmiskerfið. Það er einnig áríðandi að borða dökk grænt grænmeti daglega (spínat, broccoli, steinselju, grænkál) sem innihalda mörg áríðandi snefilefni, eins og fólinsýru, magnesium, járn og vítamín A, C, K. Þegar streitustigið er hátt þá reiða nýrnahetturnar (þar sem streituhormón er geymt) sig á að fá nægjanlegt C vítamín og snefilefni.  Prufaðu að skipta iceberg salatblöðum út fyrir spínat næst þegar þú býrð til salat.

 

Heimild: U.S. Department of Health and Human Services. http://healthfinder.gov/FindServices/SearchContext.aspx?topic=458

 

Heilsuheilræði ehf.

Ásakór 3, #503
203 Kópavogur
Sími: 775 6677
heil@heil.is

Heilsufréttir

Vertu áskrifandi að nýjustu heilsufréttum frá okkur og fáðu hvatningu um heilsueflingu senda til þín án kostnaðar.

Skrá mig!